"قانون لعبة "تضحك تخسر

🎯 الهدف من اللعبة

الهدف إنك ما تضحكش

أي لاعب يضحك… يخسر و ينفّذ حكم 

 مكوّنات اللعبة 

46 ورقة نكت 😂

46 ورقة أحكام 🎲

8 أوراق حمراء 

👥 عدد اللاعبين 

من 2 لأعبين و أكثر

(كل ما يكونو أكثر… الضحك أكثر )

طريقة اللعب 

يتجمعو اللأعبين في دايرة

كل لاعب في دوره يسحب ورقة نكتة و يقراها بصوت عالي و بقية اللأعبين لازمهم يحاولو ما يضحكوش

❌ كيفاش تخسر؟

تخسر و تسحب ورقة حكم إذا:

ضحكت بصوت

تبسمت و بان عليك الضحك

غطيت فمك باش تخبي الضحكة

درت وجهك ولا حاولت تهرب من الموقف

(أي حركة تبين إنك تأثرت بالنكتة = خسارة )

🚨 الأوراق الحمراء 

كل لاعب ينجم يستعمل ورقة حمرا باش

يتهرّب من تنفيذ حكم

يعاود يسحب حكم آخر إذا ما عجبوش الحكم

🔴 تنجم تستعملها كان مرّة في كل خسارة

🔴 ما تنجمش تستعمل أكثر من ورقة حمرا في نفس الدور

🏆 شكون يربح؟

اللاعب الي يكمّل و عندو أقل عدد أحكام منفذة